18:26 Qaraqalpaqsha multfilmler | |
Multfilmler balalardi’n’ woy-wo’risinin’ rawajlani’wi’nda u’lken a’hmiyetke iye. Wolardi’ ko’riw arqali’ balalar jaqsi’li’q ha’m jamanli’q, dosli’q ha’m dushpanli’q si’yaqli’ qa’siyetlerdi tu’sinip jetedi. Jarati’li’s haqqi’ndag’i’ da’slepki tu’siniklerdi qabi’l yetedi. Soni’n’ ushi’n da jaqsi’ multfilmler ba’rqulla balalardi’n’ na’zerinde boladi’. Aldi’nlari’ qaraqalpaqstanli’ balalar wo’zbek ha’m wori’s tilindegi multfilmlerdi ko’retug’i’n yedi. Jaqi’nnan baslap Qaraqalpaqstan televideniyesi arqali’ wo’zbek ha’m wori’s tilindegi multfilmler qaraqalpaq tiline dublyaj qi’li’ni’p efirge uzati’la baslani’wi’ bolsa, balalari’mi’zdi’n’ wo’z ana tilinde multfilmlerdi ha’z yetip tamashalaw imkaniyati’n jarati’p berdi. A’sirese, «Maugli», «Sahibjamal ha’m Maqluq», «Masha ha’m Ayi’w» multfilmlerdegi dialoglar ana tilimizde ju’da’ tu’sinikli yetip berilgen. Wolardi’ tamashalag’an kishkenelerimiz yerten’ mektepke barg’anda da qaraqalpaq tilin u’yreniwde qi’ynalmaydi’ dep woylaymi’z. Multfilmlerdi qaraqalpaq tiline awdari’p, wolarg’a dawi’s beriwde Gu’lnaz Qudaybergenova, Baxi’tgu’l To’lepova, Begzad Allaniyazov, bir neshe jurnalistler ha’m quwi’rshaq teatri’ aktyorlari’ni’n’ mashaqatli’ miynetlerin atap wo’tiwimiz kerek. Sonday-aq, bul balalar multfilmleri jan’ali’g’i’ yelimizdegi scenarist ha’m basqa da do’retiwshilerge ja’ne de a’hmiyetli wazi’ypa ju’kleydi. Bul qaraqalpaq folklori’ tiykari’nda multfilmler jarati’w. Yeger, qaraqalpaq balalar yertekleri ha’m an’i’z-a’psanalari’ tiykari’nda multfilmler islense, balalar wolardi’ qi’zi’g’i’wshi’li’q penen tamasha yetiwi ani’q. Bahadi’r JU’ZBAYEV QMUnin’ jurnalistika qa’nigeligi studenti | |
|
Всего комментариев: 0 | |