newportal.moy.su

Google Translate servisinde jan’aliq

Taker14 — Fri, 13 Feb 2015 13:15:41 GMT

Jan’aliq:
Google Translate servisinde jan’aliq xalxaraliq saytlardi o’z tilimizge
Awdariwda jenilik kiritildi. Google Translate o’zbek tilida’ kiritildi siz
endi qa’legen tildegi zo’zlerdi o’zbek tiline o’zbek tilindegi so’zlerdi basqa tilge awdara alasiz.
Elmuratov Aybat

Ya.A’jimov: «HAQI’YQI’Y A’DEBIY JOLI’M «JETKINSHEK»TEN BASLANDI’»

Taker14 — Wed, 05 Nov 2014 15:35:54 GMT

«G’arri’lar da bala bolg’an desedi»

I.Yusupov.

Balalar, bilesizler me, sizlerdin’ redakciyami’zg’a jollag’an ko’p mi’n’lag’an qosi’qlari’ni’zdi’ birme-bir ko’zden keshirip, sannan sapa shi’g’ari’p ha’m wolardi’n’ jari’qqa shi’g’i’wi’nda shayi’r Yaqi’pbay A’jimov atan’i’zdi’n’ miyneti ko’p. Sebebi, wol sizlerdin’ ha’r bir do’retpen’izdi di’qqattan shette qaldi’rmay ko’rip shi’g’i’p, qoli’nan kelgenshe qosi’qlari’n’i’zdi’ gazetadan shi’g’ari’p, quwantqi’si’ keledi. Al, bazi’ birewlerin’iz «sholi’wda ati’m shi’qti’» dep wo’kpelegen boli’wlari’n’i’z da mu’mkin... Xosh, shayi’r atan’i’z kishkeneliginde qanday bala bolg’an yeken?! Ba’lkim, wol da sizlerge uqsap qag’az qaralap, qosi’qlar do’retip, klasi’ni’n’ belsendi woqi’wshi’lari’ni’n’ biri bolg’an da shi’g’ar?! Yaki bolmasa, shalag’ay doslari’n’i’zdi’n’ qosi’qlari’ si’yaqli’, woni’n’ da do’retpeleri gazetada ja’riyalanbay qaldi’ma yeken?! ... Joq, a’lbette. Sebebi, balali’qtag’i’ a’debiyatqa bolg’an ayi’ri’qsha intasi’, qi’zi’g’i’wshi’li’g’i’ bu’gingi ku’ni woni’n’ belgili jazi’wshi’, shayi’r boli’p jetilisiwine tiykar boldi’.

Yaqi’pbay ag’a ali’slarda qalg’an biyg’ubar balali’q ji’llari’n sag’i’ni’sh penen yeske aldi’.

-Haqi’yqati’nda da, wo’mir balali’qtan baslanadi’. Qansha qi’n’i’rli’q islesek te ata-anami’z bizlerdi jani’nan arti’q ko’rip, mehrin berip ta’rbiyalag’an. Men baxi’tli’ balali’q ji’llari’mdi’ belgili do’retiwshi tulg’alar K.Raxmanov, N.An’satbayev, Q.Za’retdinov ha’m J.Turdi’muratovlar menen birge, Kegeyli rayoni’ndag’i’ «Jalpaq jap» awi’li’ aymag’i’nda wo’tkerdim. 1963-ji’li’ usi’ awi’ldag’i’ 4-sanli’ mektebine woqi’wg’a bari’p, 1973-ji’li’ tabi’sli’ tamamladi’m. Mektep u’yimizden to’rt-bes shaqi’ri’m uzaqta jaylasqan. Biraq qansha uzaq bolsa da, qi’sti’n’ qaqaman suwi’g’i’nda, jazdi’n’ mi’s qaynag’an i’ssi’si’nda da hesh woqi’wdan qalmay, piyada qatnag’anbi’z. Wol gezleri jollar jazda worpan’, gu’zli-ba’ha’r batpaq. Usi’ worpan’ topi’raqti’, batpaqti’ keship, won ji’l woqi’di’q. Anam bizlerge quraq sumka tigip beretug’i’n yedi. Yamasa kitaplari’mi’zdi’ woramalg’a tu’yip, arqami’zg’a tan’i’p jiberedi. Yesap shi’g’aratug’i’n bolsaq, ju’werinin’ shin’girigin kishkene yetip kesip, jipke dizip, «yesaplag’i’sh sog’i’p ali’p, paydalanami’z. Al, ayi’ri’m qurg’i’n shan’araqti’n’ balalari’ shottan paydalanadi’. Sonday-aq, wol waqi’tlari’ ushli’ ruchka (pero) menen, qoldan si’ya sog’i’p, woni’ da’wetke quyi’p, basi’p jazatug’i’n yedik. Wol bizler ushi’n ju’da’ qolaysi’z yedi. Bazi’da da’wettegi si’yani’ partag’a yamasa u’stimizge to’gip ali’p, barli’q jerimiz si’ya boli’p ju’retug’i’n yedik. Mektebimizde ha’zirgidey elektr qon’i’rawlari’ yemes, al qoldan sog’i’lg’an mi’s qon’i’raw bolatug’i’n yedi. Bizler woni’ ha’r ta’nepiste qag’i’wg’a talasami’z. Mektebimizdin’ imarati’ da ha’zirgidey tas gerbishten yemes, al si’rti’ suli’wlap si’balg’an, ha’klengen qami’s diywallar yedi.

Mine, bizler usi’nday sha’rayatta woqi’p, bilim aldi’q. Biraq, sha’rayat qansha qi’yi’n bolsa da, mug’allimlerdin’, woqi’wshi’lardi’n’ juwapkershiligi ku’shli yedi. Woqi’wdan ko’p qalsaq, to’men woqi’saq, klastan-klasqa wo’te almas yedik. Men 3-4-klasi’mnan baslap-aq a’debiyatqa qi’zi’qti’m. Ustazlari’mi’z X.Yesbergenov, A.Ma’tka’rimov, G.Bayniyazova ha’m Q.Da’wletmuratovlar qaraqalpaq tili ha’m a’debiyati’ pa’nine i’qlas qoyi’wi’ma sebepshi boldi’. Sonday-aq, partalas, awi’llas dosti’m marhum jurnalist Sa’rsenbay Atabayevti’n’ da ta’siri ku’shli boldi’. Wol mektebimizdegi yen’ belsendi jas xabarshi’, ha’wesker shayi’r yedi. Yekewimiz a’debiyat, belgili jazi’wshi’, shayi’rlar, jurnalistler haqqi’nda pikir ali’satug’i’n yedik. Keyin ala men de maqalalar, qosi’qlar jaza basladi’m. Birinshi qosi’g’i’m 7-klasta rayonli’q gazetada shi’qti’. Woni’ men «Awi’li’m» dep atadi’m. A’debiyat pa’ninen shi’g’arma jazatug’i’n bolsaq, men ko’binese yerkin temalardi’ tan’lap, ayi’ri’qsha bahalar alatug’i’n yedim.

Jazg’i’ u’sh ay dem ali’sta a’debiy kitap, gazeta-jurnal woqi’ymi’z. A’sirese, men «Jetkinshek» gazetasi’ni’n’ ha’r bir sani’n asi’g’i’p ku’tetug’i’n yedim. Wol gezde u’yde bes bala bolatug’i’n bolsaq, ha’r birimizdin’ wo’z «Jetkinshegi»miz boladi’. Awa, men «Jetkinshek»ke biykarg’a i’qlas qoymag’an yekenmen. Menin’ haqi’yqi’y a’debiy joli’m usi’ gazetadan baslandi’. A’debiy kitaplar sati’p ali’w ushi’n wonbes shaqi’ri’m turatug’i’n Xalqabadqa barami’z. Ha’r barg’ani’mda bes-alti’ kitap ali’p qaytaman. Wolardi’n’ ko’pshiligi saqlawli’ tur. U’yimde yeki mi’n’nan aslam kitaplari’m bar.

Balali’q waqi’tlari’mi’zda «qasharman top», «wori’s top», «jasi’ri’nbaq», «shu’llik» si’yaqli’ woyi’nlardi’ ko’p woynaytug’i’n yedik. Soni’n’ menen birge, ata-anami’zg’a da ja’rdem beremiz. Men ag’ama yeshek penen qos aydaw, tu’yeklew, ju’weri wori’w, qabaq penen suw tasi’w, to’gin to’giw, mal bag’i’w jumi’slari’nda qol-qanat boldi’m.

Anam awi’ldag’i’ atayi’ diyqanlardi’n’ biri boldi’. Qawi’n, jambi’lsha, ta’rnekleri ha’mmenikinen buri’n shi’g’adi’. Awi’ldag’i’ ko’pshilik adamlar bizlerdin’ qawi’ni’mi’zdan jeytug’i’n yedi. Geyde, awi’ldi’n’ balalari’na qosi’li’p, wo’zimizdin’ qawi’nnan wo’zimiz urlap ju’rgen ku’nlerimiz de boldi’. Degen menen, men qoy awzi’nan sho’p almaytug’i’n juwas bala boldi’m. Yele yesimde, wo’z qatarli’ ha’tteki wo’zimnen bir-yeki jas kishi balalardan da tayaq jep, u’yge ji’lap keletug’i’n yedim. Ayi’ri’m ku’shli balalarg’a qaltama qant sali’p bari’p, «para» beretug’i’n yedim. Biraq, woqi’wdan ag’la bahalarg’a woqi’p, u’lgili woqi’wshi’ boldi’m. Tek matematika, fizika, geometriya ha’m ximiya sabaqlari’nan bes ali’w menin’ ushi’n qi’yi’ni’raq yedi...

Balali’q-shalali’qqa toli’. Soni’n’ menen birge, wol biyg’am, baxi’tli’ da’wir. Men usi’ da’wirlerdin’ qi’zi’qli’ ma’writlerin qa’lemge ali’p, bir neshe kitaplar jazdi’m. Degen menen qi’zi’g’i’ ada bolmaytug’i’n bul alti’n da’wirdin’ jazatug’i’n waqi’yalari’ ko’p. Aldag’i’ waqi’tlarda da, iri, ko’lemli shi’g’armalar jazi’w niyetlerim bar.

Yaqi’pbay ag’a da yele si’yasi’ keppegen gu’rrin’ ha’m qosi’qlari’ yen’ da’slep «Jetkinshek» gazetasi’nda basi’p shi’g’ari’lg’ani’n ayti’p wo’tkenimiz qanday maqtani’shli’! Balali’g’i’nda-aq, bul gazetag’a mehir qoyi’p, jaqi’n dos boli’p qalg’an wol, bul muqaddes da’rgaydan hesh ali’slag’i’si’ kelmeydi. Wo’ytkeni, wol ba’rqulla balalar do’retiwshiligin woylap, ko’plegen qosi’qlar, gu’rrin’ler, yertekler do’retti. «Men su’yemen gu’llerdi», «Quyash so’nbeydi», «Aq quwlar atawi’», «Bar yeken de, joq yeken», atamalari’ndag’i’ kitaplari’, kishkene woqi’wshi’lardi’n’ qi’zi’g’i’wshi’li’g’i’n artti’ri’p, i’qlasbentleri ko’beydi. Sonday-aq, balalar turmi’si’na arnalg’an bir qansha shet yel yertek, gu’rrin’lerin awdari’p, balalarg’a usi’ndi’. Jas talantlardi’ tabi’wda, wolardi’n’ do’retiwshiligin gazeta woqi’wshi’lari’na jetkeriwde, Yaqi’pbay ag’ani’n’ salmaqli’ miyneti bar. Soni’n’ ushi’n, gazetami’zdi’n’ kishkene xabarshi’lari’ woni’ ustaz tuti’p, jol-joba ali’wdan hesh sharshamaydi’.

Wol 1982-90-ji’llarda, «Jetkinshek» gazetasi’nda ha’r qi’yli’ lawazi’mlarda islep, jemisli miynet yetti. Ha’zirgi waqi’tta da bul gazetada jumi’si’n dawam yettirip, kishkene poeziya i’qlasbentlerin do’retiwshilikke jetelemekte.tc "Wol 1982-90-ji’llarda, «Jetkinshek» gazetasi’nda ha’r qi’yli’ lawazi’mlarda islep, jemisli miynet yetti. Ha’zirgi waqi’tta da bul gazetada jumi’si’n dawam yettirip, kishkene poeziya i’qlasbentlerin do’retiwshilikke jetelemekte."

Yaqi’pbay ag’a Aysa’nem Bekbawlieva apa menen u’sh uldi’ ta’rbiyalap, kamalg’a keltirdi. U’lken uli’ Salamat ha’m kelini Zoya jurnalist. Wortanshi’si’ Sharapat kishi biznes penen shug’i’llansa, kishkenesi Farxat shi’paker boli’p isleydi.

Ya.A’jimov baspaso’z tarawi’nda islegen miynetleri ushi’n Qaraqalpaqstan Respublikasi’ Joqarg’i’ Ken’esinin’ bir qansha hu’rmet jarli’qlari’, O’zbekistan Respublikasi’ G’a’rezsizliginin’ 20 ji’lli’g’i’na ko’kirek ni’shani’ menen si’yli’qlandi’.

Ustazi’mi’z Yaqi’pbay ag’ani’n’ do’retiwshiligine jan’adan-jana’ tabi’slar, shan’arag’i’na qut-bereket tileymiz.

Zuxra ISAKOVA

Efirde, «Balalar studiyasi’»!

Taker14 — Wed, 05 Nov 2014 15:32:07 GMT

Televidenie

Qaraqalpaqstan televideniesi-u’lken do’retiwshilik ja’ma’a’t. Bul jerdegi bir neshe studiyalarda tamashago’ylerdin’ jasi’na, qi’zi’g’i’wshi’li’g’i’na, talabi’na say ko’rsetiwler tayarlani’p, telestudiyag’a qon’si’ jaylasqan Qaraqalpaqstan teleorayi’ xi’zmetkerleri ja’rdeminde yelimiz boylap efirge uzati’ladi’. A’lbette, bul teletamashago’yler arasi’nda kishkene balalar da boli’wi’ yesapqa ali’ni’p, wolar ushi’n qi’zi’qli’ ko’rsetiwler tayarlaw maqsetinde «Balalar studiyasi’» ja’ma’a’ti ayanbay xi’zmet yetpekte.

Ha’r qanday ko’rsetiwdi tayarlawdan baslap efirge uzataman degenshe boli’p wo’tetug’i’n process bir neshe xi’zmetkerlerdin’ saatlap miyneti arqasi’nda ju’z beredi. Ko’rsetiwdin’ syujetin du’ziw, wog’an qaharmanlar tabi’w, ko’teriletug’i’n ma’sele jo’ninde faktler toplaw, ba’ri-ba’ri bir pu’tin do’retiwshi ja’ma’a’tti talap yetetug’i’n jumi’s. Yeger, tamashago’y kishkene balalar bolsa, bul jumi’s do’retiwshi ja’ma’a’tten yeki yese di’qqatti’ talap yetedi. Sebebi, balalar yen’ wo’zgeriwshen’ ha’m qi’zi’g’i’wshan’ boli’p keledi. Wolardi’ ekran aldi’nda uslap woti’ri’w an’sat is yemes. Mine usi’lar haqqi’nda pikirlesiw, qala berse «Balalar studiyasi’»nda bu’gingi ku’ni ju’z berip ati’rg’an wo’zgerisler, jan’a ko’rsetiwler jo’ninde de biliw maqsetinde studiyani’n’ redaktori’ Shiyrin Azizovani’ so’zge tartti’q.

-«Balalar studiyasi’»nda bizlerden aldi’n ko’plep a’jayi’p jurnalist apalari’mi’z islep ketti. Wolardan U’zilxan Nug’manova yen’ birinshi balalar ko’rsetiwlerin ali’p barg’an ustaz apalari’mi’zdan yesaplanadi’. Ha’zirde wo’zlerimiz benen bir qatarda miynet yetip ati’rg’an Sha’rigu’l A’metova, Ulbog’an Yerimbetovalar kishkene waqti’nan baslap balalar ko’rsetiwlerin ali’p bari’p, ha’zirde yelimizge belgili telejurnalistler qatari’nda tilge ali’nadi’.

Balalar ushi’n ha’r qanday ko’rsetiw tayarlaw studiyami’z ja’ma’a’tinen ju’da’ ko’p miynetti talap yetedi. Ali’p bari’wshi’lar balalar bolg’anli’qtan wolardi’ su’wretke ali’w, dawi’slari’n sazlaw, wo’zlerin kamera aldi’nda qalay uslaw kerek yekenligin u’yretemen degenshe geyde sharshapta qalami’z. Biraq, wolar menen islesiw adamg’a basqasha jiger bag’i’shlaydi’, wo’zin’di baladay sezinesen’. Ha’zirgi ku’ni rayonlardan ha’m No’kis qalasi’nan ko’plep baslawshi’lari’mi’z bar. Wolardan Azamat Qa’limbetov, Nargiza Xojanazarova, Zamira Allaniyazova, Shaxribanu Reymovalar kamera aldi’nda wo’zlerin uslawi’, dawi’si’, fantaziyasi’ni’n’ bayli’g’i’ menen basqa baslawshi’ woqi’wshi’lardan aji’rali’p turadi’.

Usi’ wori’nda ja’ne bir na’rseni qosi’msha yetip wo’tken bolar yedim, biz tayarlap efirge uzati’p ati’rg’an ko’rsetiwler arti’nda tek jurnalistler yemes, al ko’plegen tele operator ha’m rejissyorlardi’n’ miyneti sin’gen boladi’. «Balalar studiyasi’» rejissyori’ Zamira Nawri’zbayeva, TJK operatorlari’nan Ken’esbay Seydullaev, Murat Wotambetov, Zinatdin Allanazarov, tele operatorlardan Woralbay Begimov, Ruslan Yerimbetov, Salawat Abbazovlar usi’nday ekran arti’nda ko’rsetiwdin’ teletamashago’yge sapali’ jetip bari’wi’n ta’miyinleydi.

Bu’gingi ku’n balalari’n ekran aldi’nda uslap turi’w ju’da’ qi’yi’n. Soni’n’ ushi’n bizin’ studiyami’z ja’ma’a’ti balalarg’a arnalg’an jan’a ko’rsetiwler: intellektual woyi’nlar, qi’zi’qli’ sport woyi’nlari’, tele tan’lawlar tayarlawdi’ rejelestirgenbiz. Soni’n’ menen birge tele baslawshi’li’qqa qi’zi’g’atug’i’n, talantli’, shaqqan ul-qi’zlardi’ si’naw tiykari’nda qabi’llawdi’ jolg’a qoyg’anbi’z. Usi’ wori’nda gazeta arqali’ «Jetkinshek»tin’ jas xabarshi’lari’n «Balalar studiyasi’»nda wo’zlerin baslawshi’li’qta si’nap ko’riwge mira’t yetemiz. Talantli’ balalardi’ qollap-quwatlaw, wolarg’a jol-joba beriwge bizler tayarmi’z.

Televidenie-xali’q aynasi’. Wonda efirge uzati’lg’an ko’rsetiwler xali’qti’ ma’deniy-ruwxi’y jaqtan ta’rbiyalaydi’. Biz so’z yetken «Balalar studiyasi’» da balalarg’a ta’lim-ta’rbiya beriwde mektep, shan’araqtan keyingi u’lken ma’deniy da’rgay. Solay yeken wolardi’n’ televizor tamashalawdag’i’ tan’lawi’ Qaraqalpaqstan televideniesinin’ «Balalar studiyasi’» boli’p qala beriwin shi’n kewilden tileymiz. Telekanaldi’n’ ba’rshe do’retiwshilik ja’ma’a’tin ka’siplik bayrami’ ha’m Qaraqalpaqstan televideniesinin’ yari’m a’sirlik toyi’ menen qutli’qlaymi’z.

Begis SULTAMURATOV

arnawli’ xabarshi’mi’z

«REKS»tin’ sadi’qli’g’i’

Taker14 — Wed, 05 Nov 2014 15:30:27 GMT

Dem ali’s ku’ni bolg’anli’qtan apam bizlerdi ku’ndegiden yerterek woyatti’. Sebebi, ati’zi’mi’zdag’i’ ba’ha’rgi yegin jumi’slari’ ba’ri qolg’a qarap tur. Apam: -Qi’zlari’m, tezirek shaylari’n’i’zdi’ iship, ati’zg’a shi’g’i’n’lar!-dedi de, wo’zi ati’zg’a qaray ketti. A’japam yekewmiz shayi’mi’zdi’ shala-pala ishtik te, go’ne-ko’ksi kiyimlerimizdi kiyip, ati’zg’a jol aldi’q.

Tu’ske deyin u’shewlep bir qatar pali’z na’llerin qari’qlarg’a woti’rg’i’zi’p shi’qti’q. Iytimiz Reks te qasi’mi’zdan tabji’lmastan, ha’r bir isimizge di’qqat penen qarap woti’r.

Apam: -Ayqi’z, u’ydegi aq terektin’ na’llerin ali’p qayt! Birotala wolardi’ da tigip boli’p, son’ tu’slikke shi’g’a qoyayi’q,-dedi. Men worni’mnan zorg’a qozg’ali’p, su’yretilip u’yge kettim. Bir jag’i’nan sharshap, bir jag’i’nan qatti’ ash bolg’an yedim-da’. Reks te jalpi’ldap, mag’an yerip u’yge keldi. Men na’llerdin’ barli’g’i’n ko’teriwge yerinip, qoli’ma ilingenin aldi’m. Qarasam, apam menen a’japam islep ati’rg’an jumi’slari’n qoyi’p mag’an qarap tur. Men hayran qali’p: «Bular nege mennen ko’zin u’zbey qarap tur»,-dep qi’zi’qsi’ni’p a’ste kele berdim. Jaqi’nlag’annan apam: -Qara, iytin’ sennen qalg’an na’llerdi ali’p kiyati’r,-dedi. Men arti’ma qaradi’m. Rasi’nda da, Reks awzi’na u’sh-to’rt na’ldi tislep ali’p kiyati’r yeken. Wol tuppa-tuwri’ menin’ aldi’ma keldi de, awzi’ndag’i’ na’llerdi jerge qoydi’. Buni’ ko’rip turg’an apam ku’lip: -A’ne ko’rdin’ be, qi’zi’m, senin’ shala qalg’an isin’di Reks te bilip, qalg’an na’llerdi wo’zi ali’p keldi,-dedi. Men Rekstin’ bul isinen su’ysindim. Wog’an bolg’an mehrim ja’ne de ku’sheydi. Kishkene bolsam da, sonda iytlerdin’ mehriban ha’m sadi’q yekenligin an’ladi’m.

Zuxra ABDULLAEVA

QMU jani’ndag’i’ akademiyali’q liceydin’ woqi’wshi’si’

Bizler de «Yaramazan» aytqanbi’z

Taker14 — Wed, 05 Nov 2014 15:27:49 GMT

Ken’ ko’she boylap wo’z ma’nzilime asi’g’ar yekenmen, balalardi’n’ quwani’shli’ ku’lkisi itibari’mdi’birden wo’zine tartti’. Wolardi’n’ birewleri qashsa, birewleri quwi’p ju’r. Birewleri woyi’nshi’qlari’ menen woynasa, al birewleri tap u’lken adamlarday bir na’rselerdi woylani’p qasi’ndag’i’ dosti’si’na so’ylep qoyadi’.

Usi’nday qa’lbi pa’k, perishtedey balalardi’ ko’rip yerksiz biyg’am balali’g’i’m yadi’ma tu’sip ketti. A’sirese, sol balali’qta bolg’an bir waqi’ya yelege shekem yesimnen keter yemes...

Gu’z pasi’li’ tamamlani’p, qi’sti’n’ yesik qag’i’p turg’an ma’ha’li. Hayt bayrami’ qarsan’i’. Bizler usi’ bayram baslani’wdan barli’q balalar awi’l gezip xalqi’mi’zdi’n’ salt-da’stu’ri «Yaramazan»di’ aytatug’i’n yedik. Bir ku’ni u’yde awqatlani’p boli’p, tayarlaytug’i’n sabaqlari’m bolsa da, zerigip dalag’a shi’qti’m. Ku’n gewgim tu’sken. U’sh u’y ari’dan doslari’mni’n’ «Yaramazan» ayti’p ju’rgen dawi’slari’ yesitildi. Men de woylani’p turmastan, wolarg’a qosi’ldi’m. Doslari’m menen ko’she boylap barli’q u’ylerge bari’p «Yaramazan» ayti’p shi’qti’q. Ayi’ri’m u’ylerdin’ iyeleri qon’i’si’ bolg’anli’qtan ba, ya balali’q niyetlerimizdi qa’dirlep pe, wo’zlerinin’ kewillerinen shi’qqan na’rselerin berip atsa, al gey birewleri dawi’slari’mi’zdi’ yesitpegenge ali’p ti’m-ti’ri’s woti’radi’ yamasa «aylani’p kelin’!»,-dep bizlerdi qaytari’p jiberedi. Qullasi’, solay yetip «Yaramazan»di’ da atqardi’q. Yesaplasaq, barli’g’i’mi’z birigip a’dewir aqsha ji’ynappi’z. Ku’n kesh bolg’ani’na qaramastan, hesh qaysi’mi’z u’yge qayti’wdi’ woylamadi’q ta... Qaytama, qon’i’si’ awi’lg’a da «Yaramazan» ayti’wdi’ uyg’ari’p, sol ta’repke qaray juwi’ri’sti’q. Qon’si’ awi’ldag’i’lar da kimisi ti’yi’n-teben berse, kimisi mazali’ konfet berip, bizlerdi razi’ qi’ldi’. G’awi’rlasi’p ju’rip saat tu’ngi won boli’p qalg’ani’n da sezbeppiz. Sonnan artqa qayti’wg’a qorqi’p sol awi’ldag’i’ atamni’n’ u’yine doslari’mdi’ ali’p bardi’m. Atamni’n’ u’yine bari’wdan ha’mmemiz tas qati’p uyqi’lap qali’ppi’z. Bizlerdin’ bul jaqqa ketkenimizden ata-analari’mi’zdi’n’ xabari’ bar shi’g’ar dep, atam da bizlerdi woyatpag’an. Sol uyqi’dan azanda turdi’q. Bul waqi’t arali’g’i’nda qi’zi’qti’n’ ba’ri menin’ ha’m doslari’mni’n’ u’yinde boli’pti’. ««Yaramazan» aytami’z,»-dep ketken balasi’n hesh jerden taba almay zer-zebil boli’p izlegen ata-analari’mi’z tan’di’ kirpik qaqpay ku’tip ali’pti’. Azanda ba’rimiz u’y-u’yimizge keldik. Men yendi u’yge kirip kiyati’rsam yesik aldi’nda a’kem ha’m anam tur yeken.

-Qayaqtan kiyati’rsan’?-dedi anam.

-Atamni’n’ u’yinen!

-He, solayma?

-Qashan kettin’?-dedi a’kem qoli’n uri’wg’a qolaylap.

Men a’kemnin’ ha’reketinen qa’wipsindim be, albi’rap: -Keshe «Yaramazan» ayti’p boli’p,-dep juwap berdim.

-Kimnen soradi’n’?-dedi a’kem. Men ne derimdi bilmey albi’rap tur yedim, a’kem qatti’ qoli’ menen shekeme aldi’ri’p jiberdi. Wol menin’ ta’repimdi ali’wg’a uri’ng’an anamdi’ da aralasti’rmay, wo’z qi’lmi’si’ma jarasa jazamdi’ berdi. Sonda men ata-anamdi’ qanday uwayi’mg’a salg’ani’mdi’ tu’sinip jettim. Sol ku’ni tek men yemes menin’ menen birge «Yaramazan» aytqan doslari’m da usi’ awhalg’a tu’sken yedi. Sonli’qtan bul waqi’yani’ yelege shekem doslari’mi’z benen yeslep, bir ku’lisip alami’z.

A’ziz PIRLENOV

QMUnin’ jurnalistika qa’nigeligi studenti