17:49 Biz shegiwge qarsi’mi’z! | |
«Biz shegiwge qarsi’mi’z!» usi’ atamadag’i’ akciya jaqi’nda g’ana paytaxti’mi’zdag’i’ «Istiqlol» dem ali’w worayi’ni’n’ amfiteatri’nda boli’p wo’tti. Akciyani’ sho’lkemlestiriwshiler Qaraqalpaqstan Respublikasi’ Densawli’qti’ saqlaw minstrligi, O’zbekistan Respublikasi’ Ekologiyali’q ha’reketi Qaraqalpaqstan Respublikasi’ bo’limi, Qaraqalpaqstan Respublikasi’ Ma’deniyat ha’m sport isleri minstrligi ha’m Berdaq ati’ndag’i’ Qaraqalpaq ma’mleketlik universiteti ha’m bir qatar wa’killikler boli’p, wolardan tiyisli qa’nigeler qatnasti’. Qa’nigeler ji’ynalg’an jaslarg’a salamat turmi’s ta’rizin qa’liplestiriwde keri zi’yan tiygizetug’i’n illetler, a’sirese temeki shegiwdin’ zi’yani’, wonnan shi’g’atug’i’n tu’tinnin’ qorshag’an wortali’qqa ta’siri haqqi’nda ken’ tu’rde toqtap wo’tti. Biz akciya bari’si’nda Berdaq ati’ndag’i’ Qaraqalpaq ma’mleketlik universiteti ta’biyattani’w fakultetinin’ ekologiya ha’m fiziologiya kafedrasi’ni’n’ assistenti Arzi’gu’l apa Ki’di’rbayevani’ sa’wbetke tartti’q. -«Bu’gingi ku’ni planetami’zda ha’r ji’li’ 256 milliard temeki shegiledi ha’m bul ha’r shegiwshi adamg’a wortasha 1800 temeki danasi’nan tuwra kelmekte. Al, bul ko’rsetkishtin’ ji’l sayi’n arti’p bari’wi’ ashi’narli’ jag’day. Temeki qurami’nda 400 den aslam ximiyali’q birikpeler bar bolsa, soni’n’ ishinde 40 qa shamalasi’ rak keselligin shaqi’radi’. Bu’gingi wo’tkerilip ati’rg’an akciyami’zda usi’ ma’selelerdi yag’ni’y temeki shegiwdin’ zi’yanli’ ta’replerin jaslarg’a teren’nen tu’sindiriwden ibarat. Wolarg’a u’kelerine bari’p, bul jerden alg’an ko’nlikpelerin jetkerse yeken deymiz. Yeger mektep jasi’ndag’i’ balalar temeki shekse wolar wo’siwden artta qaladi’. Biz barli’q jaslardi’ salamat turmi’s ta’rizi ta’repdari’ boli’wg’a shaqi’rami’z»-deydi Arzi’gu’l apa. Akciya ju’da’ qi’zi’qli’ boli’p wo’tti. Hu’rmetli Prezidentimizdin’ «O’zbekistan Respublikasi’nda jaslarg’a baylani’sli’ ma’mleketlik siyasatti’ a’melge asi’ri’wdi’n’ qosi’msha is-ilajlari’ haqqi’nda»g’i’ qarari’ negizinde sho’lkemlestirilgen bul akciyadan jaslar tiyisli juwmaq shi’g’aradi’ degen u’mittemiz. E.Xojamuratova arnawli’ xabarshi’mi’z Q.Begimovti’n’ tu’sirgen su’wretleri | |
|
Всего комментариев: 0 | |